E134 Haukelivegen

Mat, natur og kultur mellom øst og vest

Ny bok til jul: Spennande stikkvegar frå E134 Haukelivegen. Les her.

Spennande stikkvegar frå E134 Haukelivegen

Dersom du er glad i mat, natur og kultur langs smale vegar, blir dette boka for deg! Gjennom store bilde og små tekstar får du inspirasjon til å ta fleire turar på tre av vegane sør-vest frå E134 Haukelivegen, blant anna Suleskarvegen frå Telemark til Rogaland. Du får også vere med på den spennande runden Røldal-Suldal-Sauda, og tilbake til Røldal på fjellovergangen nesten 1000 meter over havet. Deler av rundturen er på Nasjonal turistveg Ryfylke.

Over nesten 210 sider får du sjå innom vinbønder, to stavkyrkjer, fossefall, Nord-Europas største steinur og heftig natur og arkitektur. I tillegg til nye bilde frå sjø, land og luft, er boka krydra med ein del historiske motiv. Du får også oppdatert oversikt for vegprosjekta langs hovudvegen E134.

Boka blir ei gåve- og inspirasjonsbok som kan ligge framme i stua eller på kjøkkenet. Du kan bla i henne før neste tur på spennande vegar gjennom Telemark, Setesdal og på Vestlandet – eller bare drøyme deg bort når det er mørkt og kaldt ute.

Dette blir også ei bok for kommunar, bedrifter eller organisasjonar som vil gje ei fin gåve til eigne tilsette og samarbeidspartnarar.

Boka kjem til mange bokhandlarar og andre forhandlarar langs vegane i byrjinga av november. Alle bokhandlarar får dessutan tak i boka på tre-fire dagar gjennom Forlagssentralen. Utsalsprisen blir 449 kroner.

Bedrifter, organisasjonar og kommunar som ønskjer å gje boka til eigne tilsette eller samarbeidspartnarar, kan bestille boka direkte frå forfattaren/forlaget. Dersom du alt no ønskjer meir informasjon eller eit pristilbod, kan du sende ein epost til geirhus@e134haukelivegen.no.

 

Du kan også følgje bokprosjektet på Facebook her,

eller på Instagram her.

 

Beste helsing,
Geir K. Hus

Hus Bok & Avis
geirhus@e134haukelivegen.no
Mobil 452 89 333

Innhaldet i boka

Forord: Spennande stikkvegar
Kart over E134 Haukelivegen og stikkvegane i boka

Rundturen Røldal–Suldal–Sauda–Røldal
Røldal: Knutepunkt i fleire hundre år!
Stavkyrkja i Røldal med det vesle krusifikset
Gardsbakeriet på Seim
«One of the most favourite routes in Norway» – vegen gjennom Brattlandsdalen
På Nesflaten lever kraft- og turisthistorien vidare
Husmannsplassen Røynevarden
Den gamle handelsruta gjennom Hylsskaret
Suldalsporten
Opplev garden på Kolbeinstveit
Kvernhuset og møllene i Kvednahola
Blåsjø: 85 kvadratkilometer og 14 demningar!
Suldalslågen
Attraktiv lakseelv i dårlege og gode tider
Friluftsliv på Hanakamneset gard
Loma – lokal mat nesten døgnet rundt
Lovrafjorden
Eplemost og eplevin frå 17 000 epletre på Fuglestein fruktgard
Den vakre strandstaden Jelsa
Sandsfjordbrua
Midtsommardrømmen som går i oppfylling – Midtsommar vingard
Dollarvegen
Jonegarden
Svandalsfossen
Industribyen Sauda med spennande arkitektur og historie
Gamle tradisjonar på ny støl i Saudafjellet
Vinter på sommarvegen mellom Sauda og Røldal

Haukeli–Flateland i Setesdal
Haukeli: Møteplassen mellom øst, vest og sør
Hovden i Setesdal
Gamlevegen
Vatnedalsdammen – ein av Nord-Europas største demningar
Den gamle og vesle kyrkja i Bykle
Bratte berg langs Otra-vassdraget

Suleskarvegen
Eidsborg stavkyrkje og Stålekleivloftet 
Dalen – idyllen mellom øst og vest 
Rygnestadtunet i det vakre kulturlandskapet 
Setesdalsdrakta – folkedrakt med lang historie 
Via ferrata opp til Straumsfjellet
Suleskarvegen 
Hunnedalen 
Byrkjedalstunet med eigne oksar og bakeri 
Den gigantiske steinura i Gloppedal 
Den store Dirdalen 
Gamle og nye vegmerke 
Millionar med tonn stein 
Frafjorden 
Uburhedlaren 
Siste etappe: Oltedal og Ålgård 

Tilbake på hovudvegen: E134
E134 Haukelivegen 
Frå folkevandring til heilårsveg 
Gode kjelder og folk 
Sponsorar 

Vegstrekningane i boka

  • Rundturen Røldal-Suldal-Sauda-Røldal via Jelsa og Hebnes: rv. 13 og fv. 517 og fv. 520
  • Rv. 9 frå Haukeli via Hovden til Flateland i Setesdal
  • Suleskarvegen / fv. 450 frå Høydalsmo i Telemark til Ålgård, før Stavanger

Sjekk Facebook-sida til boka E134 Haukelivegen!

Har du lyst til å sjå video frå snøfresinga på to av fjellvegane som blir vist fram i den nye boka? Sjekk bildene hos Veier24.no:

17. mai-stemning på Suleskardveien

Snart åpner sommerveien mellom Sauda og Røldal

Sponsorar

Tusen takk til følgjande organisasjonar, bedrifter og kommunar for økonomisk støtte til boka:

E134 Haukelivegen AS

Hordalandsdiagonalen AS

Lyse Kraft DA

Samarbeidet Suleskarvegen (Gjesdal–Bjerkreim–Sirdal–Valle–Bykle–Tokke)

Sauda kommune

Suldal kommune

Tokke kommune

Ullensvang kommune